Sermon - Ka thlarau zawkin le

Ka Thlarau Zawkin Le

Zak. 4:6

 

- J.Lalhmachhuana

Zawlnei Hagaia kaltlangin Lalpa thu chu Judai ram awptu Zerubabela leh Puithiam Lalber Joshua ramah a lo thleng fo thin a, mahni in leh lo chauh an ngaihtuah thin nate chu bansan in an kawng te chu an lo chut ngun ta a. Lalpa tan In an lo bautsaih ta a, Lalpa In an sak chhung hian dodalna hrang hrang karah anmahni chakna hmangin rim takin an bei thin a. Tichuan zawlnei Zakaria kaltlangin Lalpa thu "Ka thlarau zawkin le" tih chu a lo thleng ta a. Lalpan Jerubabela kaltlangin thil ropui a tih tur thu te Zakaria hian a rawn puang ta a ni.

Kum 2011-ah khan thupui "I din leh ang u" tih hmang khan rawngbawlna kan lo kal pui tawh a, Corps level-ah te pawh thlarau malsawmna thar kan dawn leh thei nan din thar leh kan ngaihnaah te thahnem ngai takin kan lo bei tawh hlawm ngei ang le! Kawng thenkhat ah chuan malsawm te pawh kan dawng tawh ngei ang le .Amaherawh chu hlawhtlingna tak tak chang tur chuan Lalpan " Ka thlarau zawkin le" a tih ang hian, Lalpaah rinna kan nghah tak zet a, Lalpa kan chet chhuah tir a, thlarau hruaina ang zawk zel a rawngbawlna kan kal pui hian malsawmna kan lo dawng thei dawn chauh a lo ni.Thalrau thianghlim hruai nun kan nei a ngai a ni chu.

Jehosaphet an ro a rel lai khan Moab-a thlah te Amona thlah te leh Meun ho kha an lo thawk chiam mai a, Johasaphet -an Lalpaa a ua ta a "I lam kan lo hawi mai zawk a ni e, tih ngaihna reng reng kan hre bawk hek lo". Tin, chuta Lalpa thu lo thleng chu "He indona hi inbeih a ngai lovang; In zar ula, ding ngawt mai ula, inlam tang Lalpa chhandamna chu en ngawt mai rawh u" tiin .Tichuan hnenhna an lo chang ta mai a nih kha.

Lalpa rawng kan bawl ve kan tih mek lai hian kan mihring zia (Sualpu taksa) hi a hnawk thin hle mai a, Thlarau thianghlim chetna dal tu leh lo fin khalh tum tu a ni lo fo thin reng a ni. Corps ah SAY ah YP ah te leh kawng hrang hrang a kan chet chhuahna ah te hian Lalpa ah rinna nghat ngam thin ila. Ka thlarau zawk in le ti tu hi chet lakna hmun i kian phal thin ang u hmiang. Thalrau thianghlim kan chet chhuah tir phal a thalrau hruai a rawng bawlna kan kal pui chuan dinthar leh na pawh hi a lo theng thar zel dawn a lo ni.