Editorial - Insawisel

Insawisel

Thil eng pawh famkim leh sawisel bo hi avang khawp mai; khawvel acheng kan la ni a, famkimlohna ram anih miau avangin miin min sawisel a, kan sawisel bawk a; kan insawisel tawn ani ber mai. Insawiselna ah hian mizia ain anglo a, athen te chu thil zawng zawng mai hi sawisel an tum amaw tih mai turin an lo sawi,an lo sel a, athen ve thung chu sawi chhuak lemlo hian an rilru tetè in an lo sawisel ve thuai thuai tho a.

Kan insawisel na te hi ain anglo a,a tha zawk tur duh vang a sawisel na dik a awm a; an sawisel avanga engmah hmasawnna awm chuang silo mi ti thinrim tawk lek te hi a

awm bawk a. Thil zawng zawng sawisel tum ve hrim hrimte mahni tapchhak zawla lo rak lo rak a engmah râwn tlak miah silo, rawn tlak chu sawiloh engah mah tangkaina pawh nei chuang bawk silo, tangkai chu sawiloh tel ve pawh tum chuang lo, a sawi lampang chu ti thei ve phian te hi rawngbawl nan hian a tangkai vaklo.

Mihringte hi rilru inanglo ngaihdan pawh inanglo duh zawng pawh inanglo te kan ni a, mi pahnih kan awm dun chuan ngaihdan pahnih a awm tihna ani mai a, thiante tih dan apiang tha vek e, tha vek e tih chu a har khawp mai. Mahse, thenkhat chu sawisel ngai tur hrim hrim in an awm emaw tih mai tur hian thil tih apiang chhuizui ngai, mahni a thil tih puitlin tum lo thiante tel lo a na chang pawh hrelo an ni mai thei e.

Mizia inanglo pui pui awmkhawm hian insawisel loh theih loh chang a awmlo theilo a, ama’rawhchu, kan insawisel na te hi hmasawnna a awm em atha zawk tur kawhhmuh kan ni em tihte hi ngaihtuah a tha. Changkan na tur awm miah si lova tawngpawng lo sawisel ve rikngawt hi chu athalo ani. Bible chuan ‘sawisel suh u, sawisel a in awm loh nan’ ati a, mi te kan va sawisel chuan kan sawisel zat chiah sawiselna tur kan nei ve a; kan rel pawhin kan rela te sual zat chu kan kawl reng tho a. Famkimlohna rama cheng kan nih avangin sawisel bang tumah an awm lova,  chuvangin kan sawisel dawn anih pawhin keimahni lam inen hmasa thin ta ila thil tha tak anih arin awm.