Editorial

Hmasawnna

Kum atharin hun bi thar kan lo chuang kai leh ta reng mai ani a, kum hlui a kan thil tih tam tak kan tih tawhloh atan a tha te leh kan la tih ngai loh hma thar lak ngai kan ngahin arin awm. Kum athar angin tihdan thar leh hmalakna thar engemaw tal kan ngaihtuah atha  viau ang. Engemaw tala hma kan sawn loh chuan ringtu ngai reng chu a hnungtawlh a ni an tih ang khan   mi dang in hma an sawn si a

kan la ngai reng anih chuan in enfiah kan ngai a ni mai.

A..! hmasawn han tih ah hian hmuh theih leh alang sar takin  kan awm kher lo mai thei, mahse Pathian thu chuan kan thlen chin atangin hma i sawn zel ang u a tih ang hian  nikum lam a kan tih dikloh emaw te han thlir nawn leh ila kan thawk tlem anih pawhin belh chhah tum ila, inkhawm te  kan lo thlah dah deuh a nih chuan  taimak han tum leh deuh ila, thil pek ah te pawh nikum aia tam pek tum ila chuan, tuman kan hmasawnna mi hriatpui in min hmuhpui lo mahse enge maw tala hma kan sawn chuan keimahni ah lawmna hlimna thar arawn thleng dawn a ni.

Section hrang hrang a hruaitu thar te paw’n hmalakna thar nei turin ruahmanna leh plan hrang hrang kan nei hlawm tawh a, heng kan hmalakna tura mawhphurtu te pawh la ti ngailo tak tak te kan ni mai thei mahse, hmasawnna rahbi thar ah kan kai tihna a ni a, inthlahdah miahlo a rilru zawng zawng senga hmasawnna tur kan ngaihtuah angai a; mawhphurhna nei lemlo te pawhin hmasawnna tur nia kan hriat chu in hrilh hriat a thurawn in pek hi thil tha tak ani. Ei loh zawng deuh a thil an tih dawn chuan, ‘an thiltih tum dan chu.. han ti-na se eng ani leh pek lo ang..’ tihna rilru nen rawngbawl puite lo thlir mai a awl a, mahse kan thahnem ngaihna te hi atha zawnga kan hman a atha lam kan inkawh hmuh hi hmasawnna tur tha tak a ni.