SERMON

INDONA

 -Vl Tanpuii 

    Pathian khawngaihna leh kaihhruaina leh venna a zarah Kum 2011 hmang zovin Kum 2012 kan lo chuang chhuak leh ta hlawl mai a, hei hi Pathian khawngaihna  azar a ni a, Kum thar min hruai thlengtu Lalpa chu fakin awm rawh se.

    “Aw le, Pathian Thlarau Thianghlim zarah INDONA tih hi han ziah ve leh ka duh a. Hman deuh tawhah khan indona tha  I do ang u tih chu ka ziak ve tawhin ka hria a, mahse he thu hi han tih rik hi ka hun tawng hian mi a cho hle tawh in ka hria a, chuvang chuan kan duh leh a ni.
    “Aw le,Sipai chu in do hma chhawn turin Sipaiah an inpe  a ni a, an theihna zawng zawng leh chakna zawng zawngin, ral an bei thin a ni. An hmanrua chu Silai te, Bomb te, ngun hnamte a ni a, chu chuan hmelma an bei thin a ni. Chung hmanrua hmang thiam a, indo thiam tur chuan an zir a anTraining thin a ni tih kan hria a ni.

    Keini Pathian Sipaiho hi chu kan Bomb te kan silai te kan ngunhnam te chu Tawngtaina te, Bible Pathian thu tak te , hla sakte a ni thung a, a in ang lo em em  a ni. Chu lo lehah chuan thil pek te kan hun leh tha pawh a tel a ni. Khawvel Sipai nen chuan kan in ang lo hle mai Sipai theuh theuh. I Petera 5:8 ah Pathian thu in setana, Diabola chu do turin mi a fuih ve tlat a, Thupuan 12:7 kan chhiar chuan Dragon chu Hmeichhe chungah a thin a ur a, a thlah lo awm Pathian thupek zawm a, Isua hriattirna thu pawmte chu do tur in a chhuak a ni a ti a, Setana hi indo turin a inpeih ve ta bawk a, Setana hi Pathian thupek zawm tute leh Isua hriattirna pawm te lo chu do ngaiah a ruat lo a, hneh sa, ama lam tang, a pawl te ah a dah thlap a ni tih kan hre thei a ni.

    “Aw le, Ringtu tak tak te chu Indona field-ah kan awm reng a ni. Kan do hi a sual zia te , a chalak dan te, a ver ther dan te a sual thiam zia te hi kan zir chian a tul hle a. Chumi  hriat theihna chu Bible in min hrilh a, chu chu kan zir a, kan Training vete a ngai hle a ni. Kan chakna chu Tawngtai leh Pathian ringheh tlat a, a thu tiam a kan in nghah tlat hi a ni.Kan Lal Isuan thlemna a tawrh lai a Pathian thu tih ziak a ni  a ti a, Setana a chhang ang khan kan ti ve tur a ni, en tawn turin kha kha Bible-ah record ni a awm a ni.

    A dawt lehah chuan Setana chu thu dik chan ve in mi a bei thin a, hei hi kan hre reng tur a ni. Keini chuan thudik thian tling kan hmang  ang a kan hlau tur a ni lo a, Kan Lal Isuan a thihna leh thawh lehna in a, a hneh tawh sa a ni tih kan hre reng tur a ni a, hnehna kan puan khum hrep zel a ngai a, kan hnawt chhuak thin tur a ni Pathian in hlauh na thlarau min pe lova,huaina thlarau min pe zawk tih kan hriat kha,  he in beihna indona ah hian huaisen takin kan bei tur a ni. Setana hi a chawl lo a, a mu hil lo tih kan hriat a ngai a. Van indona a, paih thlak a nih hnuah pawh leiah pawh a chawl lo a, tunah phei chuan hun tlem te a nei tawh a, thlan te meuh pawh bum leh tih der a tum ang Bible chuan a ti a ni a, a tang hle tih hi hria in Lalber Sipai te hi kan tan a va han ngai  tawh tak em. Keini pawh chawl hman kan ni lo, muang thei kan ni tawh lo, mi dem hman pawh a ni tawh lo, Ni a lo kiam sawt em e tih ang hi kan rinna te hi  I sawh nghet sauh sauh ang u.

   Lam lian leh daiah te feh chhuak a, Kan Lalpa tan seng khawm hna te thawk ila Mitdel te Ke baite a in a khah theih nan I hruai lut ang u. Pathian thu tak a in thuam in kan kawng te hi thutak in I hreng ang u, tichuan kan do Setana chu kan hneh ngei ang. A tawp berah chuan kan thlarau mit hi a meng tur  a ni a, a men loh a kan mit a del chuan mitdel in mit del a hruai chuan khuar khurumah a tla ang Kan Lal Isuan a tih kha. Dan bawh chhe pa, lo lang tur chu thlarau thianghlimin a lo khap rih a, chu chu a khap tu lak sawn tan niin a lang tawh a ni te an ti tawh a, lak sawn a nih chuan Setana thawh ang zela thawh  tur Dan bawh chhe pa hi a bumro hle ang I in sawh nghet sauh sauh ang u. Lalpan a thu malsawm rawh se.

_________________________________________________________

Ka  Thlarau Zawkin Le 

                                                                                                                                 Zakaria 4:6 

-by P.C.Lalthlahliana CWS

Delegate for Christ

 
Hun leh Kum bite an inherliam zel a, Kum sangbi thar pawh hei le hmangaihtu Lalpa khawngaihna leh a zahngaihna avangin 2012 kan lo chuang kai leh ta hlauh mai a, he kum thar kan la hman ngai  loh leh kan la hmuh ngai lohah hian  Namg leh Kei hian tih tur pawimawh leh chanvo hlu tak chu kan nei ngei a, kha leh chen kha Chakna leh Thiltihtheihnate hmangin puitlin tumin kan lo bei ve hle tawh thin a. Mahse e, an puilting zo loin rah chhuah loin hunin a liampui zo leh ta, hengte hi a chhan leh  avang chu Khawvel ropuina leh Nawmna ten an dodal leh an chimral thin avangin kan chanvo kan kova tlu ngei pawh an lo hlamzuih  leh thin si a. Beidawngin rilruin arbo a zawng a nit a ber mai a. I nun ngeiah pawh nangmah leh nangmah  I beidawngru a, kohhran leh khawtlangah pawh beisei an bo zo vek ta mai niin a lang zo ta a nih hi. Mahse e, la beidawng lul suh aw, Chungnungbera chuan a lo thlir reng che a, I felna re, finnate, I chakna leh I thiltihtheihnate chuan tlak an lo awm lo tih I hriat hunah chuan e, Lalpa Thlarau zawka chet chhuah a hlutna leh a tangkaina I hre ngei ngei dawn a ni.

Kan chang thlan Zawlnei Zakaria 4:6 thu “Ka Thalrau zawkin le…” tih pawh hi lo chhui tai la, heta hming lo lang Jerubabela hi Lal Davida thlah a mi a ni a, Judai ram Lal a ni a, hetiah lai a an Puithian Lalber chu Josua a ni a, Josua hian Jerusalem Temple din turin thu a pe a, mahse  dodaltu leh sawisel a dotu tam tak an awm a, chutianga harsatna nasa tak an tawh takah chuan , an chakna leh an thiltihtheihna chuan an dinzo dawn a a lan tak loh avangin Lalpa a rawn che ve ta a ni. Lalpan a Thalarau Zawkin hmalak thu anpuana Lalpa thlarau hruaina a hma an han lak taka tang chuan maw Jerusalem Temple chu dinthar  leh a lo niin Ropui leh mawi takin sak zawh in a lo awm ta a ni. !! Lalpa chu fakin awm rawh se.

Tunah pawh hian Unau duh tak, I nuna Lalpa Temple din puitlin theih loh leh, I chanvo puitlin zawh loh leh I hlima puitling ngei lo kha e, I finna leh felna leh chakna hausakna leh thildang nangmah a I lo chhuanve zawng zawngte ai khan Lalpa thlarua  zawk hmachhuana hmun I ken thiam chuan Lalpa thlarau chuan in nun tipuitlin tur leh rinna Temple  nangmahah din puitlinin a lo awm taw hang a, hneh theih loh nunin nangnmahah ro a rel taw hang a, thlamuanna rehthei lo neiin, nangmah tichaktu leh I nunna Thlarau avang chuan Engkim ti thei I lo ni tawh dawn a. He chakna thuruk hi I char a I nei a nih chuan nangmah dotu leh beitu, sawiseltu chu I tan chawtui ber an lo ni zawk tawh  dawn nia.

Jerusalem Temple pawh dotute tam tak karah din puitlina a lo awm a, dotutte leh sawiseltute tihborala an awm ang khan, I rilru leh Thlarau zawng zawng a Lalpa hnena I in hlan chuan Lalpan nangmahah a chakna leh ropuinate a lantir anga, ringtu puitling hnathawk thei I lo ni tawh dawn a, Rinna Kanan ram chu I lo luah ve tawh dawn nia
   
Lalpan malsawm che rawh se.
AMEN.