Corps Cadet Sunday pual in Sport nei

Zirtawp ni zan khan kan Corps a Corps Cadet-te chuan Corps Cadet Sunday pualin YMA Hall ah Sport an nei a, nuam an tiin an hlim tlang hle a ni. Sport hi a hmun ah Corps upa ten an tawiawm bawk a, zirtirtute pawh an lawm hle a ni.

    Item 3, Badminton, Football leh Musical Chair in intihsiakna neih a ni. Corps cadet te hi Group A leh B ah te in then in Badminton ah hian Group aiawh in Men single khel turin pathum ve ve an in thlang chhuak a, double khel turin pathum tho in thlangin badminton bik intihsiakna hi ropui tak a neih a ni. ( Badminton ah hian naupang leh zirtirtu kal te an inkhel vek a, khel ngai leh ngai lo

angkhat vekin an leng a ni.)

    Football Group A leh B atangin mipa pathum leh hmeichhia pahnih ve ve an inthlang a, panga ve ve in football turu lutuk an khel a ni.

    Musical Chair : Musical Chair hi Hmeichhia ten intihsiak nan bik an hmang a, Corps Cadet hmeichhia te hi in nek an chak hlawm hle niin an zirtirtu ten an sawi bawk a, an hlim tak meuh meuh a  ni.

Intihsiakna a pakhatna la tu te
Badminton : Mipa Single- ah  Lalrindika (Group B) Double Mipa leh hmeichhia Lalnunpuia leh Lalramluahpuii (Group B) Musical Chair : Mary Lawmthari (Group B) Football : Group ‘A’ champion an ni. Group ‘A’ hi Champion turin an kawng hi a nuam in a awlsam hle a, Group ‘B’ Jersey No 103 Mahlik Lalsawmsanga chuan red Card a hmu a, mahse a chhuak duh tlat lo referee in chhuak tura vawitam a tih hnu pawh in a chhuak duh lo a, inkhelh tihtawp a, Group ‘A’ chakzawka puan a ni. Group ‘B’ Capt. Mahlik Lalsawmsanga red card hmuh hian kumin a merit badge a lak tur ah hian nghawng a neih an zirtirtu te chuan an ring a ni.

    Corps Cadet te hian vawiin Thianghlina inkhawm ah hian an Sunday an hmang bawk ang a, hemi hun hmanpui tur hian Capt. Richard Vanlalnghaka, Education Officer, OTC chu an sawm bawk a ni. Corps Cadet te hnen atang hian  item chi hrang hrang hmuhnawm leh benglut tak tak te kan thlirin kan ngaithla ho dawn a ni. Tin, Corps Cadet-te hian Corps Cadet Sunday hmang tur hian  kum dang zawng aiin an inbuatsaih nasa zawk a ni.