Sermon - Tihdam i dih em

Tihdam i duh em?

Johana 5:6

- PC Lalthahliana, CWS

Delegate For Christ

He lei taksa a kan awm lai a kan nunna khawvel  ânchhe dawng ah hian hrehawm leh lungngaiin kan awm fo thin a, kan khualzinna ram ah hian thlalera awm ang mai hian nun tui hal leh chauin kan rum fo thin chu a nih hi. Lei taksa a kan la awm lai hi chuan natna ten thla an zarna ram diabola leh a ho ten nasataka min tihbuai tuma tan an lakna hmun a ni a. Ringtu leh ringlo tu pawh natna chi tin mai in min bei a, kan chauva kan mangang thin a nih hi.

Tuna i nun leh i tisa hian natna avei em? Tih nat in i awm mek em le? Eng tia rei nge rilru, thlarau leh i taksa ah natna i vei tawh? kha i natna atana damna kha a awm tih i hria em, nge tlangkam mai ilo hre zawk? Tihdam i duh em? I damna turin eng mah i titheilo tih inhria in Isua hmaah i thlen ve tawh em? Bethesda dil kama dam lo kum 38 lai damna zawng a dam silo khan e Isua hnenah “Ka pu, tui afawnin dila mi dahtu ka nei lova, ka kal

chhungin midang in min pen thlak khalh thin” tiin Isua hnenah a beidawn zia a hrilh khan dam aduh zia leh damna amamawh zia a ti lang a sin.! U nau duh tak tunah pawh i nun leh taksa a natna awm te kha e, i dam nana i beih a i dam siloh zia kha Isua hrilh ve tawp mai la, i rilru tak tak a damna duh a tawngtai a, Isua i pan phawt chuan, a ni chuan “tho la i awngphah la la, ke in kal tawh rawh”  a lo ti ang che.

Isaia’n “A ni chuan kan natna te a phur ngei a ni tih a sawi kha i chungah tun ah khan alo thleng nghal thei a ni.Tin, Jakoba 5:16 a kan hmuh ang hian Pathian thu zawm hi ringtu tan damna  ani tih ring ngam ila, upa ten min rawn tawngtai lo, ti mai lovin, Pathian thusawi angin upa te ko ila, tichuan annin kut nghat a hriak hnawihin an tawngtai ang a, eng natna pawh nise alo dam mai dawn a lo ni. Pathain thu chu anung a, thil atih theih em avangin zawm ngam a tha. Dam duhlo chu kan awmlo hial ang a, mahse damna tura Pathian thu zawm mai chu kan tum leh silo a ni.

Jakoba chuan tihdama kan awm na turin in tawngtai sak tawn turin min hrilh bawk a, hei hi pawmin awih ila, atakna chu alo lang mai dawn a ni. 

Tichuan a ringtute tan chuan maw,  ‘Lal Isua thisen thianghlima damna kim chu kan chungah tihlanin a lo awm dawn a ni’ Lalpan malsawm che rawh se.