Sermon - Pathianin mi duhsak bik a neilo

Pathianin mi duhsak bik a neilo 

(Deut. 10:17)

By    Ralph Lalruatfela Pa

Tin, Petera chuan a sawi a  ‘Pathianin mi duh sak bik aneilo tih diktakin ka hria e’(TT.10:34)

Pathian zia (mizia) Line khat atangin i han chhui teh ang. Lalpa Pathian in lei leh van a siam a, a chhunga thil nung leh nunglo pawh ama siam loh an awmlo. Pathian chuan a thil siam zawng zawng tun thleng in ala thlahthlam lo. Lal Isua pawhin “Ka Pa chuan tun thlengin a hna ala thawk” ati. Mi fel leh misual tan ni ala chhuah tir si a, kei chuan ka chunga tha te chauh chungah duhsakna ka pe a,ka chunga fel te hnen ah ka fel na ka hlan thin. Min huat chuan ka hua a, min rel chuan ka rel a, min hauh chuan ka hau ve thin. Lalpa erawh chuan a duhloh

zawng ber kan tih lai pawhin min hmangaihna achuai chuanglo a, hmelma kan nih lai pawhin min hmangaihna chu a chuai chuanglo a ni.

    Pathian lam ah tan kan la kan theih ang angin Pathian duh zawng ni a kan hriat apiang hmiah miah loin kan neih thil kan pe a, sual lakah kan insum a, kan theih angin kan inngaitlawm a, Pathian lawm hle turah ngaiin ka sawi leh dil apiang min pe zat zat ang chu tiin mahni inthiam takin Lalpa hma ah kan thingthi a, mahse, chuti tak a kan ti chung pawhin Pathian ringlo, sakhaw dang Hindu, Muslim, Sikh te chuan dil ve miah silovin kan dil ai-ai atam mah Pathian chuan alo pe hnur hnur bawk si a.

    Kan fanu kan fapa te an thatna turin chaw nghei tlaivar a tawngtai a, chhun leh zan a tan kan lak ai mahin sakhaw dang fa ten ruihtheih lakah an fihlim zawk mah a, he atang pawh Pathian hian duhsak bik aneilo tih ahriat theih mai awm e.

    A nih leh theih tawp chhuah a tan kan lakte, tawngtai tlaivar, chaw nghei atullo tihna em ni? Heng ang tilo hian ringtu chu a awm theih miah silo a, Bible chhiar, tawngtai, inkhawm te leh kan Lalpa rawngbawl chu ringtu tan chuan kan tih ngei ngei tur a ni si a.Mahse, beisei leh duh tih puitlin tir tum ringawt thin hi chu kan hah thlawnna tam ber a ni fo. Lalpa’n tul atih chuan min pek a thulh chuanglo. Kan mamawh hi kan dil avangin min pe vek kherlo, kan dilloh pawh tul atih chuan min pe mai a, dil erawh chu kan tan min phal sak a, pek pawh a intiam. Amaherawhchu, kan thatna turin engkim min thawh sak zawk thin a ni. A thu in hre bawk thin mah ila, Pathian kut a pek dan kan thiam thin lo. Fanu fapa sual nei, zu ngawl vei, drugs addict, thatna sual vei kawl te pawh hian Pathain hnenah kan hlanlo a nilo; kan hlan a mahse kan hlan ti chungin keimahni bawkin kan chang leh thin a kan hlan tak tak ngam thin lo.

    Chuvangin anchhia kan lawh thu chhe tinreng an chungah kan nghat a, mahse, tun thleng a kan duh anga an awmloh chhan hi nang leh i fate kha Lalpa chuan ang khat rengin a enkawl che u a, fel zawka i inhriat thin avangin Lalpa ah indah sang duhsuh. Misual i huatna thinlung tak kha i huata nen khan a inang reng lawng maw? He khawvel hi misual hrem nan Lalpan hmang nise nang leh kei hi kan awm tawh lovang. Vawiin thlengin misual leh mitha tan Lalpan ni ala chhuah tir si a.

    Kan sual te hai der a min ngaidamtu leh nungdama min siamtu Lalpa chu fakin awm rawh se.