Sermon - Dan leh khawngaihna

Dan leh khawngaihna

 -  R.Laldinpuia

Awle, kan bible hi dualism a ni tih hre lotlang tai la, Enge Dualism tih pawh kan awm palh ang e – Mithiam te chuan kan Bble hi Dan leh Khawngaihna a ni fai vek a ni an lo ti.

Dan chu Mosia hmanga Pathian in Mihringte zawm tura a pek, Dan     chu Pathian thianghlimin a duh dan a puan chhuahna a ni. Mihringte zawm theih tawk a pek a ni lo, Pathian in a duh dan anga thlapa a pek a ni tih hi hria ila. Nimahsela, tunah Krista lo lan chinah chuan kaihruaitu  Dan hnuaiah kan awm tawh lo e, Paula’n a sawi angin Pathian lam kawnga kan nun theihna turin dan lam kawngah kan thi tawh a, Dan thihsantu chu Krista ringtu kan lo ni ta.

Khawngaihna – Isuan thuthlunghlui dan chu a hlen kim a, a zawh kim a, thuawihna leh thil tihin dan chu a thlak kim ta  a ni. A thihna chuan inthawina dan zawng zawng a tlak kim a, Misualte tan Pathian dan chu hlen famkim  a ni ta. Heb 10:10 – Chumi duh zawng chuan Isua

Krista taksa vawikhata hlen nghal  vang khan tih thianghlimin kan awm ta. Hei hi Khawngiahna chu a ni.

Tichuan, Dan leh Khawngaihna chu a indodal lova, a tangkhawp mai bawk  lova, Krista Isuan Dan leh Khawngaihna chu chinfel, tihfamkim a ni ta a nih chu. Gal 2:16 – Dan thil tih te avangin mihring reng reng thiam chang an awm dawn si lo.Dan hnuaiah nge kan awm khawngaihna ilo en teh ang :-

i) Dan hnuaiah chuan rawngbawlna chu an bat a ni a, khawngaihna hnuaiah chuan rawngbawlna chu khawngaihna vang a ni thung.

ii) Dan hnuaia mite chuan Van luh theihna turin  rawng an bawl hram hram a, Khawngaihna hnuaia mite chuan Van ram chu an chen tawh avangin rawng an bawl thin.

iii) Dan hnuaia mite chuan Pathian rawngbawl sak tulin an hria a, khawngaihna mite chuan Pathianin an tan rawng a bawl sak tih an hria.

iv).Dan hnuaia mite chuan mihring pawimawhzia an hmu lian em em a, Pathian chu tanpuitu ang chauhin an hmu a, khawngaihna hnuaiah chuan Pathian chu an nun pumah a pawimawh ber a ni tih an hmu thin.

 v) Dan hnuaia mite chuan a changing thiam a inchantir a, a changing thiamloh a inchantir thin. Khawngaihna hnauai mite chuan an thil tih leh an awmdan a zir a thiam chang leh thiam loh chang an nih loh zia an hria a, Pathian ruat ten khawngaihna ang zawk a thiamchantir an nih an hmu thin.

vi) Dan chuan mifel mal a sawm a, misual anchhia a dawn tir a, khawngaihna chuan fel inti chu thiamloh a chantir a, misual sim duh chu a hmaah a hruai thin.

vii) Dan hnuaia mite chuan an tangkaizia an hre reng a, khawngaihna hnauia mite chuan an tan Krista tangkaina hlirin an nun a luah khat thin.

viii) Dan hnuaia mite chuan dil tur tam tak an hre thin a, khawngaihna hnuaia mite chuan Krista a Pathian thlipek an chhiar seng lo.

ix) Dan hnuaia mite chuan Pathian an zawng thin a, khawngaihna hnuaiah chuan Pathianin a zawng hmu tih an inhria.

x) Dan chuan misual hrem turin a um a, khawngaihna chuan misual ngaihdamna chang turin a zawng chhuak thin.

xi)  Dan chuan misual leh mifel a thliar hrang a, khawngaihna chuan mi zawng zawng ang khatin a en thin.

xii) Dan chuan sual a hriattir a, khawngaihna chuan a chhandam.

xiii) Dan chuan thiam loh a chanter a, khawngaihna chuan thiam a chantir.

xiv) Dan chuan thianghlim a phut a, khawngaihna chuan thianghlimna Krista min pe.

A tawp ber nan he thil pahnih khaikhinnaah hian enge I dinhmun ni ta le? 

Src: Enna Arsi (Issue  No. 8 of Dt. 11. March, 2012)