Kar hnih hnuah Crusade tiak ta

SAY hmalaknain ni reilote chhung atan Crusade neih ruahman a ni a, amaherawh chu a hun chhung hi chawpleh chilh taka kar khat dang pawh sei a ni. Kar hnih chhung zet Enna Corps a Crusade neih chu nizan khan a tiak ta. Speak Pu T.Lalnunsanga, Krista Pasaltha Team te chuan Enna Corps-ah rawngbawlna kar hnih chhung an rawn nei a, Sipaite kan hlim tlang hle a, Pathian thlarau thianghlim pawhin min chenchilh niin kan hriaa kan hlawk tlang hle. He hunah hian inkhawm a nuamin kan hlim tlang hle a, zaite a nuamin inkhawm

kan tha hle bawk. Team member te hi in hrang hrangah sem darh an ni a, amaherawh chu zan lamah chuan Committee room ah a hu hovin an riak khawm a ni.

Kar hmasa Pathian ni (25.Aug.) kha crusade tiak hun tura tih nimahse a tiak zan a lo thlen meuh chuan Sipaiten kan duhkhawp lovin kan kham lo hle mai a, Senior Department lam chuan crusade chu kar khat dang pawh sei ni se tiin Krista Pasaltha Team-te chu an ngen a, Pathian zarah an lo remchang hlauh mai a, tiachuan kar khat dang team te hian min la chamchilh thei a ni. Pathian kaihhruaina changin inkhawm pawh hlim taka neih zel niin, Chhandamna inkhawmah phei chuan Biak In chhunga lenglo khawpin pawn lamahte an thu nual a ni. Pathian thu tha tak takte ngaihthlak a ni a, sipaiten kan hlawkpui hle a ni. Zai a nuamin lam pawh an thahnem thei hle a, naupang leh puitling thlengin he hun hi hlim tak a hman a ni. Pathianin Enna Corps a chenchilh zel theih nan te tawngtai ila, tin Team te tan pawh tawngtai sak zel ila a tha ang.

Corps Council member te chuan Krista Pasaltha Team te hi Monday zing khan chawhlui kilpuii inthlahna hunte an hmang a ni. Team te hian Durtlang lamah rawng bawlna neih chhunzawm turin zing chaw eikham hian Durtlang lam an pan leh nghal a ni. An rawngbawlna te Lalpan mal a sawm zel theih nan i tawngtaipui zel ang u.